يومية سياسية عربية مستقلة تصدر عن الشركة الاردنية للصحافة والنشر
المدير العام
سيف محمود الشريف
رئيس التحرير المسؤول
محمد حسن التل
العدد رقم 15162 الخميس 17 شعبان 1431هـ الموافق 29 تموز 2010 م
.
اراء و تعليقات
Bookmark and Share
تنفيييس : بلا عُطلة عُمّال بلا زفت.. كامل النصيرات

 

 
اليوم عطلة ..لمين العطلة ..؟ للعمال ...ها ها ها ..اضحكوا قد ما تقدروا..قال للعمال قال ..،، اليوم تعطل البنوك ..تعطل الوزارات ..تعطل الدنيا كلها ..والعمال وحدهم لن يعطلوا ..فعمال الجهات الحكومية سيبحثون في هذا اليوم عن عملْ شاق و شاق جدا ( يسترزقون ) منه لطبخة بُكرة الجمعة ..،، أو للملمة جزء من فاتورة الكهرباء أو قسط آخر الشهر أو دين الدكنجي ..،، هذا اليوم ..لن يعطل أبو حمزة الكركي و سيذهب باكراً إلى محله ..ولن يجلس ماجد القطامي مع أولاده : بل سيسري ( سروة ) ..ولن أجد إبراهيم أبو دية في البيت لأنه مقطّع حاله على ثلاث أربع شغلات ..وسأذهب للسوق وأجد سالم السبعاوي هناك كالمعتاد ممتطياً (بًكَمَه) وسيضحك كالمعتاد أيضا بانتظار زبون معه ( شوال طحين ) ولن يأتي هذا الزبون لسببين ..ما حدا قادر يشتري شوال طحين مرّة وحدة ..والسبب الثاني : الطحين مقطوع من السوق ..،،. اليوم ليس عطلة للعمال ..بل هو فتح ( خُزُق ) جديد في شقائهم المخزوق ..اليوم ..سيضحك العمال كثيراً ..لأنهم يعرفون كيف يستبدلون الدموع بقهقهات ( ترنّ رنّ ) ..ويعرفون كيف يمسحون عرقهم بأكمام قمصانهم ..،، هؤلاء العمال : اعتادوا على كل شيء إلاّ العُطلة ..فالعطلة تعني لهم ( جوع يوم كامل ) ..فالذي اخترع هذه العُطلة كان لازم يكمًّل معروفه و يمنحهم يوماً للسفر خارج البلاد ..تخيلوا في يوم واحد ..عمال الأردن في مصر ..وعمال مصر في السعودية ..وعمال السعودية في سريلانكا ..وهكذا دواليك ..،، العمال ..ليسوا بحاجة إلى عُطلة ..بل بحاجة إلى أن يرفع النظام العربي الرسمي يده عنهم وعن إللي خلّفهم ..ولو ليوم واحد ...العمال بحاجة إلى أن يفهموا جيداً أنهم ليسوا ( عبيد اللقمة ) وأن العالم تغيّر ..وأنهم أسياد في بيوتهم و أماكن عملهم ..،، العمال بحاجة فقط إلى عُطلة حقيقية ..يعني ..عطلة يشتغل فيها الجميع وهم وحدهم المُعطًّلون ..،،

abo_watan@yahoo.com

Date : 01-05-2008


أضف تعليق     طباعة الخبر ارسال للصديق
 
 

1- تنفيس
ضمير || 5/1/2008 12:15:35 AM بتوقيت الأردن
الاخ كامل نصيرات اسعدت صباحا
وكل عام وانت بخير
2- يجازيك
سامي || 5/1/2008 12:27:42 AM بتوقيت الأردن
يجازيك يا ابو وطن و الله بطحت لينين . اخ لو كنت على زمانه و قرا مقالك .كان صرت عضو في اللجنة المركزيه
3- اين المرأة من مقالتك
روزانا السيد || 5/1/2008 12:34:13 AM بتوقيت الأردن
هذا هو الواقع وما يحدث مع العمال لكن لماذا لم تذكر معاناة المرأة العاملة الي هاليوم راح يكون يوم عمل بحت فكل الاشياء المؤجله يجب ان تنجز اليوم واحيانا ناخذ اجازة من اجل العمل اوفر تايم في البيت
فالسؤال لماذا اغفلت هذه النقطه خاصة انه معظم قرائك ستات فكان يجب ان تنتصر لهم بلاش نزعل منك استاذ ترى زعل النسوان عاطل
تحياتي للجميع
4- حلووووووه
حموده المحـــسيري || 5/1/2008 1:24:44 AM بتوقيت الأردن
حلوووووووه منك كالعاده ....
والله انتا على رااسي (وفوق الجل كمان) يوم لفلسطين ويوم ل الشرف وباقي الايام علينا(والحمد لله)
بس انا اليوم عندي لم علب بيبسي فاضيه بدي اقوم من صراصير الصبح عشان ما حد يسبقني

تحيااتي كمووولتي
5- كل عام وعمال بلدنا بخير
لين عبد الله || 5/1/2008 1:28:21 AM بتوقيت الأردن
صدقت والله يا ابو الكمال
فلا تعليق لدي اليوم
6- هل نحن فى غابه ؟؟؟؟؟؟
أمييييييييييييييره || 5/1/2008 2:04:23 AM بتوقيت الأردن
السلام عليكم
وبعدين يا ابو وطن ..كل تنفيسه منك بتفتح فينا جروح صعب انها تشفى ولو شفيت بتفضل معلمه في جسدنا ...
هل نحن فى غابه القوى يأكل الضعيف ؟
الا يكفى لهذه الطبقه العاجيه من المسئولين وكبار الموظفين والاغنياء انهم يعيشون الرفاهية بكل طقوسها ويتمتعون بحياة الرغد على حساب هذه الطبقة الكادحه ... بل ايضا يتمسحون بهؤلاء الغلابا الكحيانين ويعطلون الاعمال والدوائر والمصالح كلها وينعمون بالراحه على حساب العمال العاملون ليل نهار وينسبون هذه العطله باسمهم والعمال عنها بمنأى ....
ناس تجنى العسل وتلسع بالنحل وناس تاكل على الجاهز وتستمتع ...
كفاياك تنفيس وركب جلده وعطل مع العمال .. هذا اذا عطلوا

أميييييييييييييييييره
7- ولكل موظف في جريدة الدستور ,,,
FADIVIDAL || 5/1/2008 2:11:52 AM بتوقيت الأردن
تحياتي لك استاذ كامل ,,,
والله يعطيك ويعطيني ويعطي كل عامل الصحة والعافية ,,, ويعطينا الصحة على مواصلة العمل في هذا اليوم ,لأنو إذا ما شتغلنا في هذا اليوم ممكن نمرض لأنو تعودنا على الشغل ونحصل راتبنا بتعبنا وعرق جبينا ,,, وفي هذا اليوم بحب أقدم تحية من كل قلبي لكل عامل مصري في الاردن والله يعطيكم الصحة والعافية ,,, ولكل عامل وافد ...
8- صحه وعافيه
اوكراني || 5/1/2008 4:05:18 AM بتوقيت الأردن
اي عطل واسكت_زي مابقول المثل صحلها جوز قالت اعور. ولاتخاف على العمال_مافي حدا يموت من الجوع_وبالنسبه للعمال الي مابشتغلوا بالوظائف الرسميه ما افرقت كثير معهم لانهم بالاصل يشتغلوا على الهمه_يعني كيف ما اجت تيجي_بنصحك يا ابوبغداد تروح بكره تلقطلك شوية خوبيزا وظمة ملوخيه من مزارع الغور وصحتين وعافيه.
9- الله محيك أبو وطن
وليد العكر || 5/1/2008 4:32:39 AM بتوقيت الأردن
الله يصبحك بالخير يا بو وطن ، و طول عمرك كبير و بتضل كبير ، و على رأيك هاض الناقص عيد عمال من وين دخلك ، و وين يحتفلو ، خليها على ربك
10- ابقى قابلنى
سلامه || 5/1/2008 4:38:45 AM بتوقيت الأردن
الا هو انت عايز تبعت لنا عمال الاردن لمصر يابو النصيرات ...ظ؟؟ طيب ما بالمره بقى خد انت عمال مصر يعيشوا يومين فى الاردن...وابقى تعالى قابلنى لو فضل من البتراء الحبيبه حتة فتفوته .
11- ما أروعك
أبو الأيهم - أبو ظبي || 5/1/2008 6:01:44 AM بتوقيت الأردن
ما أروعك أبو وطن في هذا المقال وتحياتي لأبطال مقالة اليوم أبو حمزة الكركي و ماجد القطامي وإبراهيم أبو دية وسالم السبعاوي
اشتقنالكم واشتقنا لكفاحكم اليومي وبلا عطلة عمال بلا كلام فاضي
12- قال عيد عمال قال !!
غسان الرفاتي \ الامارات || 5/1/2008 7:56:54 AM بتوقيت الأردن
ع راسي نصيرات !! ليش احنا مش معطلين ؟؟؟والا ما شافوا الهلال ؟؟
العمال ..ليسوا بحاجة إلى عُطلة ..بل بحاجة إلى أن يرفع النظام العربي الرسمي يده عنهم وعن إللي خلّفهم ..ولو ليوم واحد ...العمال بحاجة إلى أن يفهموا جيداً أنهم ليسوا ( عبيد اللقمة ) وأن العالم تغيّر ..وأنهم أسياد في بيوتهم و أماكن عملهم ..،، العمال بحاجة فقط إلى عُطلة حقيقية ..يعني ..عطلة يشتغل فيها الجميع وهم وحدهم المُعطًّلون ..،،
13- عطلة العمال
ناادر - الاردن || 5/1/2008 8:19:07 AM بتوقيت الأردن
بس انا بشوووف مبالغة بالكلام لانه مااشووووووف الا عمال من مصر وسورياااا ويومية الواحد تزيد عن 14 دينارا واذا كان فيه عمال اردنيون ونسبة التعليم عالية في مجتمعنا مما حد منها يكون متقاعد ويتحكم في صنعته او طالب مدرسة بالصيف يعوفك حياتك للقيام ببعض مهامه وياخذ اكرامية اكثر من ايجاره وهات دلع واسألووووووو امجرب او حاولوا ان تبدأوا بورشة عمار صغيرة مثلي ورايحييييييييين تعرفوووووووا وين العماااااال بالاردن ؟؟
14- الحبل ع الجرار وعينك ما تشوف إلا النور!
الضليل || 5/1/2008 8:42:03 AM بتوقيت الأردن
بعد صباحك مبارك أخي ( أبو وطن), اليوم حكيت عن العمال وبكيت على حالهم اللي بتقطع القلوب القاسية,والله يا ( أبو وطن) إن ظل ريحها هالريح,غير تكتب مقالات ولا أقلك مقامات عن حال الشعوب ,إلا كمن واحد بنعدو على الأصابع,لأنه إللي شايفه كله راح يوكل زفت بعد هالغلا وهالبلا, وهالعداله في توزيع الثروة.

صباحك غلا حبيبي
15- كل يوم عمل و انت بخير
suzane hallak lebanon || 5/1/2008 8:55:45 AM بتوقيت الأردن
صباح الخير استاذ نصيرات
كالعادة لقد وضعت يدك على الجرح يعدما قرأت المقال طليت من البلكون و عن جد شفت متل ما قلت كل الناس عم تشتغل الميكانيكي و سائق التاكسي بائع القهوة يعني لو ما اشتغلوا ما رح ياكلو بهالنهار و الاحلى من هيك انا بالعمل و عندما طلبت عطلة هذا اليوم قال لي رب العمل انت لست بعامل انت مديرة و صاحبة هذا المكتب ياييي كنت بدي اضربوا قهرني لدرجة اني بكيت بدون دموع
هذا هو الحال فى عالمنا العربي كله ضحك على الدقون

كل عام و انتم بخير و الله يعطينا و يعطي العمال الصحة و العافية
16- ياحنون
ابو عرب || 5/1/2008 9:28:41 AM بتوقيت الأردن
صباح الخير ابو وطن الي بتحكيه صحيح لكن العمال الهم الله
17- كل عام والعامل بخير
محمد || 5/1/2008 9:32:31 AM بتوقيت الأردن
المهم يكون العامل بخير وصحيح كل الي قلتو بس العامل المسكين بيرضى بالمكتوب وبكون مقتنع بأقل شي وليهيك لازم ننصفه ونعطيه حقه وحق عرقه ونحترم جهدة
18- هلا نصيرات
هاني القضاه / مراقب وداير بالحواري || 5/1/2008 9:41:06 AM بتوقيت الأردن
صباحك عسل يا ابو نصير

عيد العمال يا سيدي لاصحاب روؤس الاموال شمة هوا بالعقبه ,او في ربوع لبنان , الخميس والجمعه كمان وبنهوها سهره في فندق من فنادق عمان -


هلا عيد عمال.
19- رائع ايها الانيــــــــــق
غريب الدار - السعودية || 5/1/2008 9:54:32 AM بتوقيت الأردن
صديقي الرائع ابو وطن كامل
صباح الخير والفل والياسمين


صدقت ورب البيت العمال مظلومون العطله بأسمهم والمستفيد غيرهم
فعلا متي ترفع الحكومات يدها عن ارزاقهم واحتكارها من قبل المتنفذين

الله المستعان يا اخي ... كم انت رائع ايها الانيــــــــــق
دمت بخير اخي كامل
باقة ورد وتحيه
غريب الدار
20- صباح الفل
شريف عزمي على بوابة الحلواني واقف ايه ؟؟ || 5/1/2008 10:04:46 AM بتوقيت الأردن
عمال ميييييين
وعيد عمال ايه
قول الشقايانين
التعبانين
العيد اتعمل عشان يرتاح صاحب العمل من مص دمنا شويه
ويبخ فينا بخطبه هنا ولا هنا
القصد صباحك فل يا عمنا
21- اي النوم بين العليق
العيد || 5/1/2008 10:05:03 AM بتوقيت الأردن
هذا محمود حجي بشتغل بالوادي ايام العيد بصبح ينادي على اولادة وبناتة قوموا راح النهار صارت الساعة خمس طبعا الصبح .بنتة متمنكرة وحاطة الخراطة على تخت الحديد يابى اليوم عيد بلاش نشلع فجل اليوم خليها لغد. يابا يا خديجة العيد للمساعيد مش للمقاريد الي مثلنا احنا مقاريد . بعدين شو معجبكوا بالقرية؟ اي واللة النومة بين العليق بتسوى القرية والي بيها رمت خديجة الخراطة الغجري ام 15 لون ومسحت براطمها من الحومرة ولبست كفوف تشليع الفجل وكل عام وخديجة بالف وادي وبحوض فجل تعيد علية
اما انا واللة يا اخوان بعيد اللة والناس بتقل لبعضها كل عام ونت بخير وني بدور على الحمار الخضر الي بنحرث علية هد وبدة يجوز قطع الحبلة وفل ابوي حكم علي غير اروح ادور علية مهو حيلة العيلة وكانت عيديتي (كل عام ونتوا بخير بدي انشدكوا عن حمار اخضر غزلاوي )ونت بخير لا واللة ما شفناة وهيك لقينا الحمار على بعد عشرة كيلو وضاع العيد وكل عيد والحمار الاخضر برد حيلة وقضى وطرة
22- معك حق
suzane hallak lebanon || 5/1/2008 10:41:53 AM بتوقيت الأردن
الاخت روزانا السيد
23- معك حق
suzane hallak lebanon || 5/1/2008 10:43:37 AM بتوقيت الأردن
الاخت روزانا السيد
انا اضم صوتي الى صوتك و ين المراة بمقالتك عن جد زعل النسوان زعل يا ابو النصيرات
24- الناس تنتظر
Akram || 5/1/2008 11:22:21 AM بتوقيت الأردن
نحن متعبون. أهلكتنا هموم الحياة اليومية المعقدة، التي تحتاج الى وساطة لحل مشاكلها العادية، لقد تحولنا الى امة من النمل يهمها فقط الحصول على قوتها وقوت أولادها.
تحمل لنا الحكومة اكياسا من الوعود بغدٍ أفضل، ليست سوى ربا عينين، تخفي عنا صدمة الواقع وفجيعة الفقر والبؤس الحتمي الذي أصبح لأول مرة يتربص بغالبية الشعب
25- لابارك الله في امة كثرت اعيادها
كريمه وهاب || 5/1/2008 11:27:08 AM بتوقيت الأردن
عيد العمال ، عيد الام ، عيد المعلم ، يوم الطالب الخ كلها اعياد للفئات المظلومه بالمجتمع وكلما بالغنا بالاحتفال كلما زادت معاناة هؤولاء لعل ذلك من اجل تخدير الضمير لكي نقنع انفسنا باننا عملنا الي علينا وزياده
بالامس قام احدى رؤساء بلديه ما بعمل احتفال لابسط العمال فقدم لهم قطعة اسفنجه (كاتو) ربما احدهم اخفاها لكي ياخذها معه لابنه وقدم لكل واحد مبلغ رمزي لكن المفارقه انه وحسب مزاجه كان يعتبر فلان عامل يستحق مكافءة وفلان موظف يعني للمحاسيب فقط وكنت شاهدة حقيقة على هذه الحادثة
وال عيد عمال ال روحوا عنا يايا حاجة تفلعص علينا بقى
26- صدقت
عامل .. معطل || 5/1/2008 11:59:39 AM بتوقيت الأردن
فعلا صدقت ... ولا فض فوك
27- It Is Only One Day
Samer Zaki Al Madanat || 5/1/2008 12:51:22 PM بتوقيت الأردن
I am sorry that I am writting in English but because I am waiting my flight to Jordan, I am writting to you because I am not agreeing with you this time, as most of the people need some rest, I know that money is important but it is not everything, we need more rest to settle down our daily activity as well as our minds.
if you are exahusted it is better to have rest so, you will think better.
I think no body will not agree with me the tiredness is there from different sides let us take some advantages from One Day.
28- عطلة
عامل معطل من ست سنين || 5/1/2008 1:00:53 PM بتوقيت الأردن
يعني بنشكي من البطالة و من الصفر و قلة الشغل و جايين بدنا نعطل
طب المعطل من يوم ما تخرج شو بدو يسوي بيوم زي اليوم، يروح على وسط البلد يدور ع شغلة بدها واحد باطل عاطل يقعد يطقس ع البنات الرايحات و الجايات و لأمتى زهقنا يا ما بدناش العطل الكثيرة اللي بتعمل زهق أكثر و فراغ أكثر و لت حكي أكثر و مشاكل أكثر و و و تصبحوا ع خير
29- كلنا عبيد للقمتنا
رذينة أيمن || 5/1/2008 1:02:13 PM بتوقيت الأردن
والله مافي حدا في الزمن دة مش عبد للقمته .

حتى اللي معاه بيضل يركض ويركض لغاية ماينقطع نفسه ليضمن لقمة الزمن المجهول !

تحياتي
30- كتاب الله تعالى
ام لولو || 5/1/2008 1:11:38 PM بتوقيت الأردن
يقول الله تعالى (وخلقنا الانسان في كبد) أي المعاناة، ويا جماعة الخير العمل هو الحياه لكن العمل المحترم والذي تأخذ مقابله ما تستحقه، مش حراثة 24 ساعة علشان انغمد وانا شبعان استعداد للغد، لا، فالحياة جهاد والعمل عباده ونأخذ عليه أجر عند الله تعالى ولرفعة البشر وتحسين مستواهم مش دعسهم بالكنادر حاشاكم، اذن يا جماعة الخير اهم شيء تتذكرو ان تتقوا الله تعالى في عملكم وحياتكم وتتذكرو ان كله بأجره عند الله تعالى، ولنذهب لأعمالنا وكلنا طاعة لله تعالى ان يعوضنا بالخير والحلال، وكما ذكر الاخ لا خير في امة كثرت أعيادها، يعني اكثر نسبة عمال موجود بالعالم في دول الخليج، ولهذه اللحظه ما في اجازة بهذا اليوم، يعني بلد كلها عمال لا تعترف بعيد العمال وانتم يا الاردنيه مش عاجبكم العجب، يالله ارزق، (رزق الهبل على المجانين) بالخليج يعملون ليل ونهار بدرجة حرارة فوق 50 درجة على 100 دينار اردني، وهم ساكتين، ونحن الاردنيه مش عاجبنا العجب، واللي قالها الاخ كل العمال بالاردن مش اردنيين، فعلى ايش زعلانين،.... والله اني محتاره بهالشعب....وعلى فكرة بدأت اشعر انه نحن شعب دلوع فخففوا شوي ما زلتم بنعمة لا يعلمها الا الله ونحن المغتربين. وأمة مثلنا بلادها تقبع تحت الاحتلال حرام يكون عندها عيد، فاتقوا الله فينا وشكرا يا ابو بغداد على المقال ومساء الخير لكل الاردنيه الشرفاء....ودمت يا وطن
31- الله عليك
سمر || 5/1/2008 1:35:42 PM بتوقيت الأردن
اخي كامل كعادتك دوما متألق وتضع يدك على الجرح النافذ ولكنك اخي تضغط عليه بقسوة احيانا .. لهم الله العمال في بلادنا.. وادعو الله ان يرزقهم بمن يشعر بآلامهم ويعطيهم من الاجر ما يجعلهم يعيشون عيشة كريمة .
32- وش الي تغير؟
بنت الشرق || 5/1/2008 1:43:53 PM بتوقيت الأردن
لمن ياخذوا أجازة والعالم كله يشتغل.. تبقى نفس المشكلة ياكلوا من فين يا عمو كامل؟
ولئن يأكل الرجل من قوت يده خير من أن يعيش عالة يسأل الناس..
وتحياتي لكل العاملين الشرفاء من أجل لقمة العيش الحلال الطيبة.. طعمها لا يشعر به إلا هم..
دمت وسلمت..
33- دور الحكومة الجباية أين دورها من الرقابة على الحيتان؟؟؟
احسان نورالدين محمود خصاونه -عمان -الأردن || 5/1/2008 3:25:49 PM بتوقيت الأردن
الأخ العزيز كامل نصيرات المحترم



تحية طيبة وبعد



مثقل أنت بهموم الوطن،وأرى سموا للروح فيك عاليا.







كان الله في عون العامل الكادح والمواطن الفقير الذي لا يجد ثمن دوائه





المواطن القنوع الذي لاهم له سوى كسوة أبنائه من البالة،وبعضا من الخضار والرز،هذه أحلام مواطننا،لماذا نحرمه منها


يجب أن تعود الحكومة للتدخل في تسعير
المواد الغذائية الأساسية.



ماذا يهمني كمواطن الأبراج الشاهقة وأبنائي جياع




قد أسامح وقد لا أسامح............



الأثرياء الذين صاروا بفعل السرقات
وعمليات تبييض الأموال وإساءة الائتمان.........................




كيف لي أن أحترمهم أو أن لا أحقد عليهم



في بالي أسئلة كثيرة بل وربما محرمة كما في بال الكثيرين



*****

ولكم كل الحب والإحترام
34- اعتراضي
خليل عمران || 5/1/2008 4:09:30 PM بتوقيت الأردن
ملاحظتي أو اعتراضي هو على لغة ركيكة جدا تستخدمها
كان الله في عون من يقرأك
35- رد على خليل عمران
احمد روزي || 5/1/2008 9:13:23 PM بتوقيت الأردن
عزيزي خليل عمران..هناك فرق بين اللغة الركيكة واللغة المحكية...افضل الروايات العالمية كتبت بهذة السخرية..افضل الكتاب هم الذين يكتبون باللغة المحكية...حين تقرأها تحس ان كاتبها يقف امامك ويكلمك...تحياتي استاذ نصيرات
36- شكرا لك
HanadE || 5/1/2008 9:55:46 PM بتوقيت الأردن
الله يرزق العمال...
العمال الحقيقيون

والله يرزقك




شكرا لك.
37- اعتراضي
خليل عمران || 5/1/2008 10:31:49 PM بتوقيت الأردن
اللغة المحكية لما تستخدم في كتابة المقال أو غيره هي الركاكة بعينها وهي انحدار نتيجة أمية الأخ الكاتب، فكيف تصبح حجتنا لتبرير العامية؟
38- كامل العامل
فارس القرعاوي || 5/1/2008 11:32:55 PM بتوقيت الأردن
الأخ كامل
دعني أهمس في أذنك كي لا يسمعنا أحد "في كل يوم عن سالفه تزداد ألقا"، فقد أنصفتنا و رددت لنا حقنا المهدور ، فليس للعمال من عيدهم إلا اسمه،فلولا أنك كادح في عملك ، حتى و أنت تعتلي محبرتك، لما حملت على عاتقك انصاف العمال في يومهم هذا.

أجدد دعوتك لزيارة مدونتي، لأن مجرد دوسك بساطها يشرفني.
www.maktoobblog.com/faresqarawi
faresqarawi@hotmail.com
39- سوبر!!
لانا الحياري || 5/2/2008 2:56:19 PM بتوقيت الأردن
إدراج رائع يا سيدي!!!!!!!!
40- شكرا يا كامل
samia faris \asilmaktoobblog.com || 5/3/2008 4:46:32 PM بتوقيت الأردن
محمد رسول الله ....
ايه يا محمد هاجر مدونتك ليه ...انا بحزن من اي صوره للهجران !! اصعب صوره عندي بيت هجروه سكانه ....اكره الاطلال والبكاء على الاطلال ...
يا رب تبقى مدونتك عامرة بنفسك وبسخريتك المحببة الى قلبي ...بس خلاص
اياك تطالب بالحمار اصل انا صحتي صارت كويسه وحالتي عال العال ومش حرجع الحمار غيرت رأي ووصيتي اصل اني دلوقت قويه...اصل اخويا كامل النصيرات بعتلي كونسلتو اطباء الخاصين بتوعه لفرنسا ...هي غسلة كلى بطشت الغسيل بتاع مامة كامل واني قمت زي الحصان ...الحصان مش الحمار اياه ! شربت من بلاص الكرامه بتاع ام كامل ..اتاري كان الواحد جتته ناقصه كرامه ..الكرامه حاجه صحيه تخليك تتعلق بالاصدقاء الطيبين ...على فكره يا محمد كامل ارسل لك اميل ومش بيتلقى منك جواب ليه ؟
عمر الشقي بقي يا محمد وانا شقيه يبدو عندي سبع ارواح متقلقش وقول للحاج كمان ما يقلقش هم كام يوم واكون في بيتي ومدونتي ووسط اهلي الطيبين ....
اسفه ان انا بجيب القلق بس هي ارادة ربنا ...الحمد لله على كل شيء
لكم وحشه كبيره والله ...ادعيلي من على الكورنيش اصل روحي معلقه في النيل وفي مركب بالنيل ..
عايزه ارجع الاقي مدونتك منوره بسخريتك الطازجه يا محمد ....دمت اخا وصديقا رائعا
41- رائع
ابراهيم العزازمة shogeeb81@maktoob.com || 5/4/2008 12:37:05 AM بتوقيت الأردن
رائع استاذ كامل
42- مشاكسة
ثودة العربي || 5/4/2008 5:24:39 PM بتوقيت الأردن
سلام
العنوان خطأ ياعزيزي
أرسل رسالتك إلى العمال ليقرؤوها إن كانوا يعرفون القراءة
touda-03.maktoobblog.com
43- لا تعليق
دعاء غانم || 5/19/2008 1:29:06 AM بتوقيت الأردن
ماذا اجد من الكلام بعد ما قلت كتبت واوفيت وكفيت

لا تعليق
44- يوم العمال يمكن يوم عمل
الكركي || 5/2/2010 2:07:34 PM بتوقيت الأردن
كما قلت ياكامل يوم العمال يوم عمل آخر لا أكثر ولا أقل لكن هل من الممكن انه نحلم بيوم عطلة حقيقي بس على شرط ما واحد يقلك وين القسط الشهري ولا وين الاجار ولا يابه بدي شيبس ولا ودي بسكوته يعني بعد صلاه الفجر للساعة ثنتين أو ثلاثه حسب وقت عملك ماهو المدارس للساعة ثنتين والبلدية بس الدوائر الثانية للثلاثه والخاص للأبد المهم ممكن وقت العمل اللي معطله ماتسمع اشي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الاسم:  
عنوان التعليق :  
التعليق :  
 
 
 
 
 
 

الصفحة الرئيسية | - | محليات ومحافظات | - | دولي وعربي | - | اقتصاد | - | قضايا وآراء | - | فن وثقافة | - | رياضة | - | دروب | - | الوفيات | - | رسائل الى المحرر | - | عن الدستور | - | نتائج التوجيهي 2010
© Ad-Dustour Newspaper 2007 | e-mail: dustour@addustour.com.jo | Developed by Ad-Dustour Newspaper Internet team

يمنع النقل أو الاقتباس من أخبار الدستور الخاصة الابموافقة مسبقة من الصحيفة
اما فيما يتعلق بالمقالات فلا مانع من اعادة النشر شريطة الإشارة الى المصدر ( جريدة الدستور )